{"id":585,"date":"2022-02-19T11:20:28","date_gmt":"2022-02-19T16:20:28","guid":{"rendered":"https:\/\/topform.tech\/?p=585"},"modified":"2022-06-28T08:10:51","modified_gmt":"2022-06-28T13:10:51","slug":"dichiarazioni-di-lu-scopu","status":"publish","type":"post","link":"https:\/\/arbasicula.org\/sc\/dichiarazioni-di-lu-scopu\/","title":{"rendered":"Dichiarazioni di lu Scopu"},"content":{"rendered":"\n

ARBA SICULA \u00e9, prima di tuttu, la riflissioni in ritardu, di na nicissit\u00e1 sintuta di na cumunit\u00e1 etnica stabiluta nni li Stati Uniti d\u2019America pi difiniri, prisirvari e dif\u00fanniri la nostra antica eredit\u00e1 p\u2019assicurari la so vera supravvivenza. Mentri ca l\u2019orientazioni nostra \u00e9 littiraria, lu nostru m\u00e9tudu \u00e9 storicamenti evucativu cu l\u2019intinzioni di nun passari supra nuddu aspettu di la cultura Siciliana comu indignu di la nostra esaminazioni e an\u00e1lasi. Lu scopu di stu sforzu \u00e9, allura, di riscupriri zoccu \u00e9 ligittimamenti nostru ntra tuttu lu sintasi d\u2019un populu isulanu pussidennu r\u00e1dichi nni l\u2019espirienzi storichi Siciliani, Italiani e Americani e macari ligami chi\u00fa antichi cu tutti li nazioni di lu Meditirraniu.<\/p>\n\n\n\n

Circamu la canuscenza d\u2019un senzu di cuntinuazioni ntra nui stissi, e picchissu amu pigghiatu un simbulu anticu di li Siculi (la stirpi principali in Sicilia prima di lu stabilimentu di li Grechi) pi suttaliniari la seriit\u00e1 di lu nostru scopu e pi marcari nni li menti di la juvint\u00fa nostra un signu di l\u2019antichit\u00e1 di la so eredit\u00e1. Nui semu, prima di tuttu, intirissati ca la chiavi di l\u2019arma Siciliana (la lingua di li nostri avi) fussi cunsirvata e studiata cu preggiu e attinzioni.<\/p>\n\n\n\n

Pi la fini di rializari st\u2019intinzioni, ARBA SICULA invita a tutti ca ponnu vantari armenu un avu Sicilianu, a unirisi cu nui in un sforzu culittivu pi aumintari la canuscenza di la nostra stissa eredit\u00e1.<\/p>\n\n\n\n

Stu disignu \u00e9 pigghiatu di na midagghia d\u2019urnamentu ca nchiudi na specia di cruci dicurativa. Un esemplari si trova nni lu Museu di Siracusa Fu truvata a San Cataldu e fa parti di l\u2019Adrano Hoard, la chi\u00fa granni cugghiuta d\u2019uggetti di brunzu ca \u00e1 statu truvata in Sicilia. Lu disignu \u00e9 di circa 1300 anni avanti Cristu, di la civilit\u00e1 Sicula.<\/p>\n\n\n\n

\"\"<\/figure><\/div>\n\n\n\n

Ristampammu nt\u00e2 pagina precedenti a dichiarazioni d\u00fb scopu accuss\u00ed comu fu scritta nt\u00f4 primu numiru di Arba Sicula <\/em>nt\u00f4 1979. A copiammu esattamenti comu fu scritta senza fari currezioni. Comu si vidi a lingua canciau nanticchia, semu forsi chi\u00f9 attenti a comu scrivemu in sicilianu, ma mi pari ca in linia di massina a\u2019ma statu fidili a l\u2019ideali espressi nta sta dichiarazioni. Si canciau l\u2019edituri, non canciau u disidderiu di travagghiari pi ddi stissi motivi ca ficiru nasciri a nostra societ\u00e0.<\/p>\n\n\n\n

Forsi avissi a fari na brevi storia da nostra associazioni pi soci ca sunu novi e oramai sunu sparsu in tuttu u munnu. Arba Sicula fu funnata nto 1979 di un gruppittu di siculo-americani di Brooklyn tra cui Gaetano Giacchi, Joseph Palisi, Alissandru Caldieru, Sebastianu Passioni, Mons. Santi Privitera e Mons. Anthony Failla e autri ca si riunevanu nta parrocchia di St. Finbar\u2019s a Brooklyn. Chisti si putissiru cunsiddirari i soci funnaturi d\u00e2 societ\u00e0, anchi si giustamenti u titulu di funnaturi spetta a Gaetano Giacchi ca fu \u00f4 principiu chiddu ca chi\u00f9 di tutti travagghi\u00f2 pi purtari avanti l\u2019organizzazioni.<\/p>\n\n\n\n

I presidenti d\u00e2 nostra associazioni hannu statu chisti: Joseph Palisi, 1979-1980; Gaetano Giacchi, 1980-1987; Mons. Santi Privitera, 1987; Charles Cappellino, 1987-8; e Gaetano  Cipolla, d\u00fb 1988-finu a ora. L\u2019edituri di Arba Sicula<\/em> hannu statu sulu dui: Alissandru Caldieru d\u00fb 1979 fina \u00f4 1986 e Gaetano Cipolla d\u00fb 1987 finu a oggi. L\u2019autra nostra pubblicazioni, Sicilia Parra<\/em>, ca durau pi na para d\u2019anni, fu edita di John Randazzo, d\u00e2 sedi di Los Angeles. A secunna serii di Sicilia Parra <\/em>cuminciau nt\u00f4 1989 e cuntinua finu a ora cu Gaetano Cipolla comu diritturi e Henry Barbera comu Co-diritturi. Comu sapiti, Henry muriu l\u2019annu scorsu e ora i rispunsabbilit\u00e0 sunu tutti di Gaetano Cipolla. Nt\u00e2 prima fasi, Arba Sicula ebbi assai successu organizzannu reciti di puisii e programmi nta li chesi e nta li scoli. Per\u00f2 u numiru di soci non superau mai 800-900 pirsuni. Ci fu un piriudu di decadenza a causa di malatii e di autri cosi ca misi in piriculu l\u2019organizzazioni nt\u00f4 1985-7.<\/p>\n\n\n\n

Arba Sicula fu salvata grazzii a Mons. Santi Privitera e a Charles Cappellinu ca l\u2019aiutarunu finanziariamenti e grazzii a Gaetano Cipolla ca prima si pigghiaiu a direzioni d\u00e2 rivista facennula maturari non sulu d\u00fb puntu di vista d\u00e2 grafica usannu u computer (i primi numiri si stampavanu cu na machina di scriviri manuali) ma  anchi pu cuntinutu e p\u00e2 lingua, e poi pigghiau a direzioni di l\u2019organizzazioni. Arba Sicula ha crisciutu assai nta l\u2019urtimi deci anni, non sulu p\u00fb numiru di l\u2019abbunati, ma puru pi l\u2019ottima riputazioni ca godi nt\u00f4 munnu.<\/p>\n\n\n\n

A societ\u00e0 havi soci ca si trovanu principalmenti nta zona metropolitana di New York, nt\u00e2 California e poi nt\u00e2 tutti i Stati Uniti, macari nta l\u2019Alaska e l\u2019isuli Hawai. Tra i rivisti italiani, Arba Sicula<\/em> \u00e8 a rivista chi\u00f9 populari d\u2019America. A niautri nni pari picca cosa aviri chi\u00f9 di dumila abbunati, picch\u00ed pinsamu ca i Siciliani d\u2019America sunu assai numirusi e n\u2019avissimu aviri 10,000 almenu! Ma l\u2019autri rivisti specializzati si cunsiddiranu furtunati si hannu 300-400 abbunati. Nautra cosa: tanti rivisti stannu in circulazioni dui, tri anni e poi fallisciunu.<\/p>\n\n\n\n

Arba Sicula chist\u2019annu fa vintiduanni di vita. Vintiduanni di travagghiu pi dari o munnu n\u2019idea chi\u00f9 giusta d\u00e2 cultura siciliana e d\u00ee so contributi \u00f4 munnu. E\u2019 un traguardu ca attravirsamu cu umilt\u00e0 \u00e8 cu granni cumpiacenza pi chiddu c\u2019avemu fattu, ma puru c\u00e2 spiranza ca putemu rializzari ancora assai dicchi\u00f9 nta l\u2019anni d\u00fb terzu millenniu.<\/p>\n\n\n\n

Arba Sicula ha statu n\u2019ispirazioni pi tanti Miricani d\u2019origini siciliana. Annu dopu annu a\u2019ma prisintatu u megghiu d\u00e2 cultura siciliana, dannucci mutivi di essiri orgogliosi di essiri Siciliani. Autri societ\u00e0 siciliani hannu statu funnatu nta stu paisi e guardanu a niautri pi ispirazioni e sustegnu. Arba Sicula c\u00e2 so luci illuminau a Sicilia e i Siciliani facennucci canusciri a tutti u megghiu latu d\u2019iddi. Senza piccari di superbia, nta sti anni u nostru pisu s\u2019ha fattu sentiri e pi chissu putemu essiri orgogliosi d\u00ee nostri contribbuti.<\/p>\n","protected":false},"excerpt":{"rendered":"

ARBA SICULA \u00e9, prima di tuttu, la riflissioni in ritardu, di na nicissit\u00e1 sintuta di na cumunit\u00e1 etnica stabiluta nni li Stati Uniti d\u2019America pi<\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[4],"tags":[],"class_list":["post-585","post","type-post","status-publish","format-standard","hentry","category-general"],"translation":{"provider":"WPGlobus","version":"2.10.9","language":"sc","enabled_languages":["en","sc"],"languages":{"en":{"title":true,"content":true,"excerpt":false},"sc":{"title":true,"content":true,"excerpt":false}}},"_links":{"self":[{"href":"https:\/\/arbasicula.org\/sc\/wp-json\/wp\/v2\/posts\/585","targetHints":{"allow":["GET"]}}],"collection":[{"href":"https:\/\/arbasicula.org\/sc\/wp-json\/wp\/v2\/posts"}],"about":[{"href":"https:\/\/arbasicula.org\/sc\/wp-json\/wp\/v2\/types\/post"}],"author":[{"embeddable":true,"href":"https:\/\/arbasicula.org\/sc\/wp-json\/wp\/v2\/users\/1"}],"replies":[{"embeddable":true,"href":"https:\/\/arbasicula.org\/sc\/wp-json\/wp\/v2\/comments?post=585"}],"version-history":[{"count":5,"href":"https:\/\/arbasicula.org\/sc\/wp-json\/wp\/v2\/posts\/585\/revisions"}],"predecessor-version":[{"id":762,"href":"https:\/\/arbasicula.org\/sc\/wp-json\/wp\/v2\/posts\/585\/revisions\/762"}],"wp:attachment":[{"href":"https:\/\/arbasicula.org\/sc\/wp-json\/wp\/v2\/media?parent=585"}],"wp:term":[{"taxonomy":"category","embeddable":true,"href":"https:\/\/arbasicula.org\/sc\/wp-json\/wp\/v2\/categories?post=585"},{"taxonomy":"post_tag","embeddable":true,"href":"https:\/\/arbasicula.org\/sc\/wp-json\/wp\/v2\/tags?post=585"}],"curies":[{"name":"wp","href":"https:\/\/api.w.org\/{rel}","templated":true}]}}