Sentieri di Cartesensibili<\/a><\/em><\/p>\n\n\n\nIn apirtura, doppu lu summariu, la riproduzioni di na paggina d\u2019un manuscrittu raffiguranti l\u2019incipit d\u00e2 famusa canzuna \u2018Madonna dir vi voglio\u2019, pubblicata di Legas in New York, stu volumi consta di ottanta facciati, in sicilianu, in nglisi e in \u2026 \u2018toscano\u2019.<\/p>\n\n\n\n
\u201cCui era Jacopu (o Giacomo) di Lentini?\u201d ni addumannamu.<\/p>\n\n\n\n
In virit\u00e0 nun canuscemu assai d\u00e2 s\u00f2 vita, eccettu quantu si p\u00f2 deduciri d\u00ee s\u00f2 scritti.<\/p>\n\n\n\n
Sapemu ca nasc\u00ecu attornu \u00f4 1210 a Lentini (SR), pirch\u00ec iddu stissu ni fici cennu nt\u00e2 s\u00f2 canzuna \u201cMiravigghiusamenti\u201d; sapemu ca fu nutariu \u00f4 sirvizziu di lu mpiraturi Federicu II, giacch\u00ec atti, littri e \u00e0utri documenti priparati d\u2019iddu portanu la dicitura \u201cJacobus de Lentini domini imperatoris notarius\u201d o comunqui \u00e0utra iscrizioni simili ca identifica la pirsuna ca ddi atti scrissi (e chissu, perautru, chiarisci e susteni l\u2019usanza ca cuntinu\u00f2 nzinu a oggi di chiamarlu \u201cNutaru\u201d); nun sapemu viceversa, cu cirtizza, la data e li circustanzi d\u00e2 morti, ma \u00e8 prisumibili ca idda avvinni prima d\u00fb 1250, l\u2019annu d\u00e2 morti di lu mpiraturi.<\/p>\n\n\n\n
Jacopu di Lentini e li pueti d\u00e2 Scola Siciliana \u2014 un gruppu di circa 25 pirsuni a l\u2019iniziu d\u00fb XIII seculu \u00e2 Curia mpiriali di Federicu II \u2014 introdussiru in Italia la puisia pruvenzali. Scritta in occitanu, ciurita nta l\u2019Europa settentriunali grazzii \u00ea truvaturi ca viaggiavanu di na curti a l\u2019\u00e0utra, solitamenti accumpagnata di musica e di cantu, idda av\u00eca divintatu difatti assai pupulari. Li pueti d\u00e2 Scola Siciliana introdussiru, s\u00ec, in Italia tali puisia, la traduceru nt\u00e2 lingua parrata \u00e2 curti di Federicu II, la affinaru tramitii lu s\u00f2 maturu menzu espressivu e tuttavia ci appurtaru un basilari mutamentu: ridussiru, ovveru, l\u2019aspettu d\u00e2 rappresentazionii d\u00ee truvaturi, eliminannu la musica e lu cantu ca accumpagnavanu li testi, e cuncintrarunu la s\u00f2 attinzioni supra la puisia e in particulari supra un unicu tema d\u2019idda, chiddu di l\u2019amuri, modificannu quasi ogni autra cosa.<\/p>\n\n\n\n
Lu tema di l\u2019amuri divintau accuss\u00ec grazzii \u00e2 Scola Siciliana, e cuntinuau poi a essiri p\u00ee pueti d\u00fb \u201cDuci Stil Novo\u201d e successivamenti pi Petrarca e Boccaccio e puru p\u00ee pueti d\u00fb Rinascimentu, lu tema principali. P\u00ee pueti d\u00e2 Scola Siciliana, l\u2019amuri cumpurtava sirvizziu e ubbidienza a ogni dis\u00ecu d\u00e2 donna singaliata, nt\u00e2 spiranza ca \u00e2 fini idda li ricumpinzassi ch\u00ee gioia di l\u2019amuri; ma lu cuncettu d\u2019amuri e lu rolu d\u00ee donni si trasfurmaru a picca a picca di generazioni in generazioni.<\/p>\n\n\n\n
Notoriamenti accreditatu comu lu nventuri d\u00e2 forma metrica d\u00fb sonettu, Jacopu di Lentini fu probabilmenti lu pueta chi\u00f9 mpurtanti a l\u2019alburi d\u00e2 puisia taliana e a iddu si attribuisciunu, oltri \u00ea 22 sunetti certi, midemma 16 canzuni di variu schema metricu.<\/p>\n\n\n\n
Chistu dittu, pirch\u00ec stu travagghiu, quali ni \u00e8 lu sensu? Gaetano Cipolla sudisfa stu nostru ntirrugativu senza equivocari. E nondimenu, prima di sentiri li s\u00f2 cunsidirazioni, pirmittimi di dari na succinta duvirusa nota bio-bibbliografica.<\/p>\n\n\n\n
L\u2019organizzazioni culturali miricana Arba Sicula, d\u00e2 quali Gaetano Cipolla \u00e8 l\u2019anima, nt\u00f4 corsu di l\u2019ultimi 40 anni, didicau ogni s\u00f2 energia \u00e2 promozioni d\u00e2 lingua e d\u00e2 cultura siciliana nt\u00f4 munnu. Gi\u00e0 prufissuri di lingua e littiratura taliana pressu varii universit\u00e0 miricani, la St. John\u2019s University di New York pi urtima, natu in Sicilia nt\u00f4 1937 e emigratu nt\u00ee Stati Uniti nt\u00f4 1955, prisidenti di l\u2019associazioni miricana \u201cCasa Sicilia\u201d, prisidenti e diritturi di Arba Sicula<\/em>, rivista bilingui ca ospita articuli in nglisi e sicilianu, e d\u00fb periodicu Sicilia Parra<\/em>, ambasciaturi culturali d\u00e2 Reggioni Sicilia nt\u00f4 munnu, vincituri di pristiggiusi premi tra li quali lu \u201cTelamone\u201d, lu \u201cTrinacria d\u2019argentu\u201d e lu \u201cProserpina\u201d, Gaetano Cipolla havi lu meritu di aviri traduciutu in nglisi e diffusu in U.S A. e nt\u00f4 munnu l\u2019opiri di parecchi pueti siciliani e tra d\u2019iddi: Nino Martoglio, Giovanni Meli, Antonio Veneziano, Nino Provenzano, Vincenzo Ancona, Senzio Mazza, Nino De Vita, Piero Carbone, Salvatore Di Marco, Maria Nivea Zagarella e Marco Scalabrino.<\/p>\n\n\n\nLa Scola Siciliana rapprisintau l\u2019iniziu d\u00e2 littiratura taliana, d\u00e2 littiratura ossia scritta nta na lingua italica diversa d\u00fb latinu. Pruvinienti di vari reggioni d\u2019Italia, \u00f4 sirvizziu d\u00e2 curti di Federicu II, li pueti d\u00e2 Scola Siciliana scrivevanu tutti in sicilianu. La lingua d\u2019iddi utilizzata divintau accuss\u00ec lu standard p\u00e2 puisia in tutta Italia e ni stabiliu lu canuni littirariu; tant\u2019\u00e8 ca Danti Alighieri, nt\u00f4 s\u00f2 De Vulgari Eloquentia<\/em>, ni ricanusciu l\u2019impurtanza e affirmau ca tutta la puisia scritta in Italia era in sicilianu.<\/p>\n\n\n\n\u201cPurtroppu,\u201d si rammarica Cipolla, accuss\u00ec vinennu \u00f4 nuzulu d\u00e2 quistioni, \u201cla produzioni d\u00e2 Scola Siciliana nun arrivau a nui nt\u00e2 s\u00f2 forma originali. C\u00e2 morti di Federicu II, nt\u00f4 1250, tutta la puisia originali prodotta d\u00ee pueti d\u00e2 Scola Siciliana si pirdiu; zoccu ristau sunnu li diversi ricoti di manuscritti copiati verosimilmenti di \u00e0utri copi\u201d. Li chi\u00f9 mpurtanti di iddi sunnu: lu Vaticanu Latinu 3793, lu manuscrittu chi\u00f9 riccu di puisia lirica italiana antica cunservatu nt\u00e2 Bibblioteca Apostolica Vaticana; lu Laurenzianu rediano, pressu la Bibblioteca Medicea Laurenziana di Firenzi; lu Palatinu 418, ora dittu Bancu Rari 217, cunservatu a Firenzi pressu la Bibblioteca Nazziunali Centrali.<\/p>\n\n\n\n
Era prassi di l\u2019amanuensi copiari testi scritti nta nautra lingua adattannuli \u00e2 propria, accuss\u00ec di rennirli chi\u00f9 accessibili e cumprinsibbili \u00ea s\u00f2 litturi. La puisia d\u00e2 Scola Siciliana \u00e8 accuss\u00ec supravvissuta nt\u00e2 forma modificata di l\u2019amanuensi, provenienti chisti in larga parti di Firenzi, di Pisa e di Venezia. Lu s\u00f2 contributu s\u2019appalisava nt\u00ee scelti linguistichi ca adottavanu. Pirch\u00ec l\u2019amanuensi nun si limitavanu a canciari la desinenza d\u00ee palori o a sustituiri na palora cu nautra: producevanu di fattu d\u00ee testi ca eranu chi\u00f9 na traduzioni ca na mera copia, applicavanu li reguli ca caratterizzavanu la s\u00f2 lingua \u00ea puisii d\u00e2 Scola Siciliana; a tali puntu ca, in assenza d\u00ee puisii originali, li copii fatti di l\u2019amanuensi \u00e2 fini nun eranu poi tantu d\u00ee stissi puisii scritti origginariamenti in toscanu, in pisanu o in venezianu.<\/p>\n\n\n\n
Benintisu, lu compitu di circari di dicifrari lu testu originali d\u00fb puema sicilianu ci criau, spissu, problemi di difficili soluzioni. Binch\u00ec la sostituzioni d\u00ee palori siciliani in rima putissi pariri a prima vista n\u2019operazioni agevuli, tanti foru li difficult\u00e0 ca l\u2019amanuensi appiru ad affruntari nta l\u2019adattari lu sicilianu nt\u00e2 s\u00f2 virsioni \u201ctoscana\u201d.<\/p>\n\n\n\n
\u201cSta osservazioni\u201d, rileva Gaetano Cipolla, \u201c\u00e8 pienamenti estensibili a mia. Non c’e bisognu di dirlu ca lu sicilianu di oggi \u00e8 diversu di chiddu du XIII seculu; comunqui usannu li desinenzi siciliane, limitannu l’usu du l’apocopi, e facennu ddimudifichi ca bastanu ristannu fideli a li refuli di la lingua sicilian, criju d’aviri avanztu punti a favuri di stu m\u00e8 travagghiu. Nt\u00f4 m\u00e8 tentativu di ricostruiri la lingua originali d\u00e2 \u2018Scola\u2019 \u2014 p\u00fb quali esaminai sia li testi di l\u2019amanuensi cunzirvati nta diversi citt\u00e0 comu puru li traduzzioni di originali ad oggi reperibili \u2014 appi a affruntari, comu l\u2019amanuensi, tanti fatturi di difficult\u00e0 e nun pochi dubbi si suscitaru supra li scelti di fari. Ma li sforzi fatti pi ricupirari zoccu eranu li puisii originali foru comunqui ricumpinzati \u2014 fussi sulu pi ricatturarinni li soni, la musicalit\u00e0 e lu ritmu. Lu risultatu di n\u2019opirazioni di stu geniri poi nun riproduciri li testi esattamenti comu eranu originalmenti, ma iddi certamenti nun sunirannu toscani, n\u00e8 pisani n\u00e8 veneziani; sunirannu comu la lingua ca la maggior parti d\u00ee siciliani canusci comu propria. E tali miratu canciamentu mittir\u00e0 in luci li pueti d\u00e2 Scola Siciliana e ci ridar\u00e0 lu meritu di aviri criatu lu canuni littirariu talianu.<\/p>\n\n\n\n
\u201cLa moli di studi didicati \u00e2 ricostruzioni di ddi testi circau di culmari li lacuna prisenti nt\u00ee manuscritti, circau di ragghiunciri un consensu condivisu supra lu s\u00f2 significatu, ci desi lu duvutu pristiggiu, bench\u00ec diversi edizioni offrunu testi nun di tuttu identici e spissu, anzi, diffirenti tra d\u2019iddi in manera sustanziali. Ammatula li alterazioni appurtati \u00f4 testu sicilianu originali di l\u2019amanuensi e d\u00ee diversi \u00e0utri successivi ricostruzioni compiuti, lu nucliu essenziali d\u00ee puemi ristau, quinni lu putemu usari pi ricriari un testu ca s\u2019avvicina quantu chi\u00f9 \u00f4 pinzeru originali di l\u2019autori.<\/p>\n\n\n\n
\u201cLa m\u00e8 ritraduzioni in sicilianu d\u00fb testu juntu finu a nui (di fattu si tratta di na traduzioni e nun l\u2019originali cu tutti li preggi e li difetti derivanti di l\u2019opira di l\u2019amanuensi ca ni curau l\u2019adattamentu) sar\u00e0 pirci\u00f2,\u201d prosegui Cipolla, \u201cvalida in s\u00e8, valida quantu li traduzzioni toscani o veneziani e havi a essiri giudicata in basi \u00e2 s\u00f2 bont\u00e0, \u00ea s\u00f2 meriti.<\/p>\n\n\n\n
\u201cLi tradutturi antichi appiru lu vantaggiu di travagghiari supra l\u2019originali e comunqui na traduzioni nun \u00e8 mai na copia esatta, giacch\u00ec tra lingui diversi li palori sunnu li vocabbuli non sunnu mai sinonimi. Lu tradutturi in pratica, nt\u00f4 s\u00f2 dilicatu tragghiu, si trova postu nt\u00f4 beddu menzu di n\u2019altalena e cu ogni s\u00f2 forza si barcamena in modu di manteniri lu giustu equilibriu tra li dui estremit\u00e0, di conciliari lu significatu di na palora o di n\u2019espressioni di tutti dui li banni.<\/p>\n\n\n\n
\u201cLi bravi tradutturi\u201d, stima Cipolla \u201crinesciunu a trasmettiri lu sensu veru di na puisia; l\u2019amanuensi, nt\u00e2 maggior parti d\u00ee casi, ci rinisceru ed \u00e8 chiddu ca mi ripromisi di fari puru jo. Pur nun essennu identichi a l\u2019originali, li m\u00e8 virsioni siciliani, na sorti di traduzzioni inversa, sunnu la ricriazioni prossima quantu chi\u00f9 possibili a chiddu ca lu testu originali puteva essiri. Fu un compitu difficili; ma, doppu lu primu soddisfacenti tentativu di ritraduzioni di una d\u00ee canzuni di Jacopu di Lentini, p\u00e2 pricisioni \u2018Miravigghiusa-menti\u2019, mi ntisi sprunatu a tintari l\u2019operazioni supra na scala chi\u00f9 granni Li virsioni \u2014 ca venunu offerti nta stu m\u00e8 volumi \u2014 putissiru, comu dissi prima, nun essiri esattamenti chiddi ca Jacopu scriviu, ma cridu ca l’oscillazioni di la me altalena nun jiu n\u00e8 troppu in autu n\u00e8 troppu in basciu\u201d.<\/p>\n\n\n\n
Comu lu stissu Danti ricanusciu nta na pagina d\u00fb s\u00f2 De Vulgari Eloquentia<\/em>: \u201cLa lingua ca [li membri d\u00e2 curia \u2013 funzionari, diplomatici, nutari, pueti e scienziati \u2014 e puru lu stissu mpiraturi] parravanu era illustri, rigali, aulica\u201d. La lingua di Jacopu, allura, era ben cumplessa e pi cunziquenza la traduzioni oggi in sicilianu d\u00ee s\u00f2 puisii a opira di Gaetano Cipolla prisintau nutevuli difficult\u00e0, pi di chi\u00f9 valutannu ca iddi usavanu assai vucabbuli di dirivazioni stranera ca nun sunnu poi ntrasuti a fari parti d\u00fb linguaggiu d\u00fb populu, ca nun hannu risistitu \u00e2 prova d\u00fb tempu e nun sunnu difatti cuntimplati nta li vocabbulari siciliani.<\/p>\n\n\n\n\u201cNun pretennu\u201d, conchiudi Cipolla, \u201cdi aviri miracolusamenti ripurtatu li puisii di Jacopu di Lentini nt\u00e2 s\u00f2 forma originali, giacch\u00ec, comu gia dissi, na traduzzioni nun p\u00f2 mai riproduciri di tuttu fedelmenti nt\u00e2 forma un testu scrittu nta nautra lingua; e poi, a l\u2019iniziu, nun mi vinni mai mancu in menti l\u2019idea di traduciri tutta la puisia di Jacopu! \u00d4 principiu fu un eserciziu pi mettiri \u00e2 prova la m\u00e8 cunvinzioni ca la vasta produzioni d\u00ee pueti d\u00e2 Scola Siciliana putissi essiri in parti ripurtata a chiddu ca forsi era prima ca la pulviri d\u00fb tempu la custrincissi a parrari cu nautra vuci o la cunfinassi \u00f4 silenziu. Mi parsi un veru piccatu ca li pueti d\u00e2 Scola Siciliana, a cui veni attribuitu lu meritu di essiri stati li primi a usari la s\u00f2 lingua in puisia facilitannu d\u2019accuss\u00ec la nascita d\u00e2 littiratura taliana, nun abbianu avutu la giusta cunsiddirazioni. Cunfidu ca li m\u00e8 traduzzioni inversi, la littura d\u00ee m\u00e8 virsioni siciliani cuntinuti nta stu libbru (2 canzuni e 30 sonetti di cui 2 di dubbia attribuzzioni, nun tanti testi si si teni cuntu ca l\u2019opira di Jacopu, capu ricanusciutu d\u00fb gruppu, e assai chiu mpurtanti di chidda di tutti l\u2019\u00e0utri) pozzanu ispirari a \u00e0utri pirsuni a leggiri e a apprizzari chi\u00f9 la s\u00f2 opira; di parti mia, sugnu filici d\u2019aviri ridatu a Jacopu di Lentini na vuci siciliana\u201d.<\/p>\n\n\n\n
In appendici ripurtati in toscanu \u201cMeravigliosa-mente\u201d, \u201cBen m\u2019\u00e8 venuto, prima, cordoglienza\u201d e \u00e0utri sunetti, Stamu pi chiudiri sta brevi nota c\u2019un unicu emblematicu esempiu, unu d\u00ee sunetti chi\u00f9 celebri di Jacopu di Lentini, un omaggiu \u00e2 fimmina ca prisenta originalit\u00e0, metafora e religioni.<\/p>\n\n\n\n
Eu m’aju misu in cori a Diu sirviri<\/strong><\/p>\n\n\n\nEu m’aju misu in cori a Diu sirviri,
com’eu putissi jiri in paradisu,
\u00f4 santu locu, c’aju intisu diri,
unni s’havi sollazzu, jocu e risu.
Sanz’a me donna non vi vurr\u00eca jiri,
chidda c’\u00e0 testa biunna e claru visu,
ca sanza idda non putir\u00eca gaudiri,
ristannu di la mia donna divisu.
Ma no lu dicu a tali intennimentu,
pirch’eu piccatu ci vulissi fari;
si non vidiri lu so purtamentu,
lu beddu visu e morbidu guardari:
chi mi tirr\u00eca in gran cunzulamentu,
vidiri la mia donna in gloria stari.<\/p>\n\n\n\n
I Have Decided to Serve God, Our Lord<\/strong><\/p>\n\n\n\nI have decided to serve God, our Lord,
so I may earn a place in Paradise,
that holy realm that I have often heard
merriment, laughter and great joy supplies.
Without my lady, though, I would not go,
the one who has blond hair and a bright face,
because without her I just would not know
what joy is, were she in another place.
But I do not say this because I mean
to act with her in sinful or immoral ways,
I simply want to see her noble mien,
her lovely face, and her soft, loving gaze:
for it would be for me so very keen,
to see my lady basking in such praise.<\/p>\n\n\n\n
Io m’aggio posto in core a Dio servire<\/strong><\/p>\n\n\n\nIo m’aggio posto in core a Dio servire,
com’io potesse gire in paradiso,
al santo loco, c’aggio audito dire
o’ si mantien sollazzo, gioco e riso.
Sanza mia donna non vi voria gire,
quella ch’\u00e0 blonda testa e claro viso,
che sanza lei nom poteria gaudere,
estando da la mia donna diviso.
Ma no lo dico a tale intendimento
perch’ io pecato ci vellesse fare;
se non veder lo suo bel portamento,
e lo bel viso e ‘l morbido sguardare;
che ‘l mi teria in gran consolamento,
veggendo la mia donna in ghiora stare.<\/p>\n","protected":false},"excerpt":{"rendered":"
Noti di littura su “Giacomo da Lentini\u2019s Sonnets Retranslated into Sicilian.” Intenzioni e traduzioni di Gaetano Cipolla di Marco Scalabrinotradottu di l’originali pubblicatu lu 28<\/p>\n","protected":false},"author":2,"featured_media":1704,"parent":0,"menu_order":0,"comment_status":"closed","ping_status":"closed","template":"","meta":{"footnotes":""},"class_list":["post-1784","page","type-page","status-publish","has-post-thumbnail","hentry"],"translation":{"provider":"WPGlobus","version":"2.10.9","language":"sc","enabled_languages":["en","sc"],"languages":{"en":{"title":true,"content":true,"excerpt":false},"sc":{"title":true,"content":true,"excerpt":false}}},"_links":{"self":[{"href":"https:\/\/arbasicula.org\/sc\/wp-json\/wp\/v2\/pages\/1784","targetHints":{"allow":["GET"]}}],"collection":[{"href":"https:\/\/arbasicula.org\/sc\/wp-json\/wp\/v2\/pages"}],"about":[{"href":"https:\/\/arbasicula.org\/sc\/wp-json\/wp\/v2\/types\/page"}],"author":[{"embeddable":true,"href":"https:\/\/arbasicula.org\/sc\/wp-json\/wp\/v2\/users\/2"}],"replies":[{"embeddable":true,"href":"https:\/\/arbasicula.org\/sc\/wp-json\/wp\/v2\/comments?post=1784"}],"version-history":[{"count":55,"href":"https:\/\/arbasicula.org\/sc\/wp-json\/wp\/v2\/pages\/1784\/revisions"}],"predecessor-version":[{"id":1890,"href":"https:\/\/arbasicula.org\/sc\/wp-json\/wp\/v2\/pages\/1784\/revisions\/1890"}],"wp:featuredmedia":[{"embeddable":true,"href":"https:\/\/arbasicula.org\/sc\/wp-json\/wp\/v2\/media\/1704"}],"wp:attachment":[{"href":"https:\/\/arbasicula.org\/sc\/wp-json\/wp\/v2\/media?parent=1784"}],"curies":[{"name":"wp","href":"https:\/\/api.w.org\/{rel}","templated":true}]}}